Best Books se opwindende nuwe Afrikaanse leesreeks gaan leerders se verbeelding aangryp en hul vasgenael hou met voortreflike kinderboeke, kortverhale, gedigte, rympies, dramas, grappies, volksvertellings en nog baie meer.

Die beste Suid-Afrikaanse skrywers se werk word verteenwoordig in die reeks van 30 boeke.

Bestel by: 021-918 8810 of e-pos: orders@onthedot.co.za

TERUGVOER OOR DIE KROONSTEEN-REEKS

Best Books se uitgebreide bekendstellingsveldtog vir die Kroonsteen-reeks vorder goed. Talle onderwysers en vakadviseurs het sessies in die Wes-Kaap, Gauteng en die Vrystaat bygewoon en vol ywer begin aanskaf vir hul skole. Hier is van die terugvoer wat ontvang is na afloop van die bekendstellings:

• "Dit is ‘n goeie reeks en dit skakel in met die kurrikulumvereistes." – Gamka-Oos Primêr

• "Leersaam - leerders sal boeke interessant vind aangesien inhoud wye aspekte dek." – PJ Badenhorst Primêr
   

• "Uitstekend!" – Grootkraal UCC Primêr
   

• "Ek hou van die uitleg, kleur en druk van die Kroonsteen-reeks." – Van Reede Primêr
   

• "Die boeke lyk wonderlik. Die illustrasies en kleure sal byval vind by die kinders. Die aktiwiteite lyk baie goed." – Tamboerskloof Primêr 
   

• "Die boeke inspireer ons en spoor ons aan om die taal aan te bied. Ons weet dat die kinders die illustrasies en teks baie gaan geniet. Dit maak die kinderjare weer avontuurlik en PRET." – Tamboerskloof Primêr
   

• "Baie interessant. Ons hou van die lig gesensitiseerde bladsye. Mooi illustrasies en kleur." – Claremont Primêr

Nog bekendstellings word binnekort gehou. Hou Best Books se webblad dop vir datums, plekke en tye.

Die kaart van lank gelede

Alet Swart en haar ouers trek na die kusdorpie, Kroongolf. Sy ontdek ’n geheime kaart in die nuwe huis. Maar waarheen sal die kaart haar lei? En kan sy vir Vernon vertrou om haar te help?

Uitgewer: Best Books

ISBN 9781770022720

Die geheim van die kroonsteen

Alet en Vernon droom nog oor die geld wat dalk in die geheime skatkis lê. Maar hulle kry ’n verrassing toe hulle die skatkis oopmaak . . .

Wie loer die kinders af? Wie is die Dapper Drie?

Wat is die kroonsteen en watter geheim is daarin opgesluit?

Uitgewer: Best Books

ISBN 9781770021860

Die kroon van die aarde

Die nuwe Dapper Drie – Alet, Vernon en Nathi – moet uitvind waar die skielik aardbewing vandaan kom wat Kroongolf ruk. Maar dit is glad nie so maklik nie. Een van hulle moet ’n vriendskap aanknoop met Gideon en Mandla.
 

Uiteindelik wag daar baie gevaar, verraad en spannende oomblikke op die Dapper Drie.

Sal Gideon en Mandla die Dapper Drie kan lei na die Aardkroon? Sal die Dapper Drie vir die wrede Walg kan oorwin en die Aardkroon in die hande kry?

Uitgewer: Best Books

ISBN 9781770021877

Die kroon van die hemel

Die Dapper Drie – Alet, Vernon en Nathi – ontdek ’n geheimsinnige lugskip teen die hange van Kroonheuwel. Toe hulle ondersoek instel, slaan die lugskip se deure toe en begin dit vanself beweeg. Maar waarheen vat dit hulle?

Die wrede Walg wil Kroongolf steeds vernietig. Groot storms bars los oor die kusdorpie.

Sal die Dapper Drie vir Walg kan stop voordat dit te laat is? En sal hulle die Hemelkroon in die hande kan kry?

Uitgewer: Best Books

ISBN 9781770021884

Die kroon van die water

Die Dapper Drie se skubaduiklesse vorder uitstekend. Maar dan, een aand, sien hulle iets aardig terwyl hulle die duiktoerusting bêre . . . Die swembad se water skuif weg en ’n opening verskyn op die bodem. Twee duikers klim uit die tonnel onder die swembad.

Die Dapper Drie moet ondersoek instel. Maar waarheen sal die tonnel hulle lei?

Maar waarheen sal die tonnel hulle lei? Sal hulle staande bly teen Walg se volgende aanslag? En sal hulle die Waterkroon in die hande kan kry?

Uitgewer: Best Books

ISBN 9781770021891

Die kroon van die mense

Die Dapper Drie – Alet, Vernon en Nathi – moet kopkrap wanneer vreemde goed in Kroongolf gebeur. Juffrou Floors se vinger verander in ’n boorpunt. Vernon se buurman vind ’n nuwe manier om sy gras te sny. En Anila raak weg.

Die wrede Walg se finale aanslag teen Kroongolf het begin! Dié slag gebruik hy die Mensekroon om Kroongolf te vernietig.

Dié slag gebruik hy die Mensekroon om Kroongolf te vernietig. Nee wag, Walg se planne het verander. En nou sal dit beslis werk . . .

Sal die Dapper Drie staande bly teen die gevaar wat nou dreig? Sal hulle die Mensekroon in die hande kan kry?  En sal hulle vir Walg finaal kan oorwin?

Uitgewer: Best Books

ISBN 9781770021907

Stories vir lekker lees

Alle kinders hou van stories! Veral verhale met spanning en humor is baie gewild. Hierdie 6 boeke voldoen volkome aan hierdie behoefte. Die genres sluit in: avontuur, wetenskapfiksie, diere, histories, biografies, volksvertellings, mites, sprokies en legendes.

Daar is selfs ’n kort drama of hoorspel ingesluit in die hoër vlakke. Elke verhaal word toegelig met toepaslike illustrasies en vrae.

Die Onderwysersgids bevat ’n CD waarop bekende stemkunstenaars  soos Lucas Maree, Magda van Biljon, Lochner de Kock, Zack du Plessis en ander van die verhale voorlees.

Stories vir lekker lees Vlak 1 - ISBN 9781770021914

Stories vir lekker lees Vlak 2 - ISBN 9781770021921

Stories vir lekker lees Vlak 3 - ISBN 9781770021938

Stories vir lekker lees Vlak 4 - ISBN 9781770021945

Stories vir lekker lees Vlak 5 - ISBN 9781770021952

Stories vir lekker lees Vlak 6 - ISBN 9781770021969

Verse vir lekker lees

Die gradeerde reeks van verse en rympies vul ’n groot leemte in die klaskamer. Best Books publiseer vir die eerste keer 6 versbundels wat hierdie behoefte aanspreek. Leerders kan kennismaak met Philip de Vos se prettige verse, of hulle verdiep in gedigte soos Ingrid Jonker se “Kabouterliefde”, I.D. du Plessis se “Kaapse Kossies”, A.B. Bruintjies se  “Tjoe-tjoe” en “Die mot en die kers” van C.J. Langenhoven.

Daar is selfs ’n paar grillerige gedigte soos A.G. Visser se “Die ruiter van Skimmelperdpan” en Antjie Krog se “Spoke”.

Woordverklarings omvang elke gedig. Waar nodig word die konteks van die gedig uitgelê. Poësie-beginsels word ook op ’n eenvoudige manier aan leerders verduidelik om die wonderlike wêreld van woorde vir hulle te ontsluit.

Die Onderwysersgids bevat ’n CD waarop bekende stemkunstenaars  soos Lucas Maree, Magda van Biljon, Lochner de Kock, Zack du Plessis en ander van die verse voorlees.

Verse vir lekker lees Vlak 1 - ISBN 9781770021976

Verse vir lekker lees Vlak 2 - ISBN 9781770021983

Verse vir lekker lees Vlak 3 - ISBN 9781770021990

Verse vir lekker lees Vlak 4 - ISBN 9781770022003

Verse vir lekker lees Vlak 5 -ISBN 9781770022010

Verse vir lekker lees Vlak 6 - ISBN 9781770022027

Liplekker leesdinge

Best Books lewer weereens baanbrekerswerk deur 6 boeke propvol kommunikatiewe/funksionele tekste soos kort verslae, e-posse, SMS’e, kennisgewings, boodskappe, pamflette, poskaarte, briewe en telefoongesprekke aan te bied.

Die liplekkler leesboeke bevat ook transaksionele tekste soos berigte, artikels, dialoë, gesprekke, onderhoude en resensies.

Liplekker leesdinge Vlak 1 - ISBN 9781770022034

Liplekker leesdinge Vlak 2 - ISBN 9781770022041

Liplekker leesdinge Vlak 3 - ISBN 9781770022058

Liplekker leesdinge Vlak 4 - ISBN 9781770022065

Liplekker leesdinge Vlak 5 - ISBN 9781770022072

Liplekker leesdinge Vlak 6 - ISBN 9781770022089
 

Onderwysersgids

Die Kroonsteen-leesreeks beskik ook oor ’n omvattende onderwysersgids. Alle antwoorde vir die lees- en leeroefeninge van al 30 Kroonsteen-boeke is vervat in die gids. Addisionele agtergrondinligting oor die verskillende tekssoorte maak ook deel uit van die gids, byvoorbeeld: Wat is die eienskappe van legendes? Hierdie handige inligting sal onderwysers se werk verminder en sorg vir gestandardiseerde leesonderrig in skole. 

Bonus:

Die Onderwysersgids bevat 2 CD’s waarop bekende stemkunstenaars  soos Lucas Maree, Magda van Biljon, Lochner de Kock, Zack du Plessis en ander van die verhale en verse voorlees.

ISBN 9781770022744

Bestel die hele Kroonsteen-reeks teen R1669.45

ISBN: 9781770022737

Bestel by: 021 – 918 8810 of e-pos: orders@onthedot.co.za

Al hierdie boeke is goedgekeur vir voorgeskrewe lyste vir skole.

* KONTAK MARITA