Go to ENGLISH

KIESLYS

TUIS

BIOGRAFIE

Marita van Aswegen is gebore in die omgewing van Nylstroom en gaan skool in Fouriesburg en Hobhouse, sy matrikuleer te Hoërskool Clocolan.  Sy behaal die graad B.Soc.Sc  aan die Vrystaatse Universiteit en trou in 1973 met ‘n boer. Sy bly reeds meer as 30 jaar op ‘n plaas buitekant Bloemfontein. In 1981 behaal sy die graad BA by Unisa (Afr/Ned en Kommunikasiekunde) . Sy is 'n deeltydse maatskaplike werker

.

PRECIOUS EN DIE ASEMDIEF

Precious woon saam met Papa. Die asemdief besoek hulle onverwags en Precious se lewe verander handomkeer. Sy moet nou na die ander kant van die stad trek en by die nuwe jeugsorgsentrum aanpas.

KORTVERHALE

EN ROMANS

SKAKELS

Skryfrekord:

Vele Afrikaanse jeugboeke is al uit haar pen gebore waarvan meeste in Suid-Sotho en/of Engels vertaal is. 'n Hele aantal kortverhale is ook in bundels gepubliseer.

Marita het reeds verskeie sketse vir die radio, kortverhale en vervolgverhale vir tydskrifte, artikels en humoristiese sketse vir tydskrifte gedoen.

Die tydskrifte waarin werke verskyn het is: 

Vervolgverhale in DIE LANDBOUWEEKBLAD: bv. Tango in Londen. 

Kortverhale in Finesse:  Bv. Die Parfuumverkoper.

In die Sarie en Rooi Rose het ook enkele stories verskyn. 

Heelwat artikels vir Finesse gedoen, met persone soos Vader Claerhout, Ryk Neethling, Winkie Direko, San-Marie Cronje (Hansie Cronje se ma), ens.

Sy doen van tyd tot tyd boekresensies vir DIE VOLKSBLAD.

IETS OOR MY SKRYFWERK:

Ek skryf omdat ek daarvan hou.   Ek skryf graag oor dit wat ek daagliks sien en belewe en meng dit dan met magic. Mense, veral kinders, fassineer my.  Ek glo aan mense se vermoëns om op te staan en die lewe in die gesig te kyk. Ek is in ‘n wêreld waar kinders misbruik word, waar hulle min het.  Tog het hierdie kinders eienskappe wat my aangryp.  Ek skryf vanuit die landelike, verarmde  omgewing waarin ek bly en vanuit my agtergrond as maatskaplike werker wat deel van my toerusting is.    As ‘n mens op ‘n Vrystaatse plaas met sy baie droogtes  bly, kry jy nie baie kans om die werklikheid te ontvlug nie.  Dit is om jou - jy moet dit daagliks hanteer.  Daarom het my stories baie keer ‘n groot stuk werklikheid in.  My boeke het al ‘n tuiste in verskeie lande gevind en sodoende kan die res van die wêreld ook deel aan my eg Suid-Afrikaanse stories.

Uitgegee deur Maskew Miller Longman

 PHAPO SE GESKENK

Die tienjarige Phapo is slim, mooi en gelukkig. Sy dra egter ’n swaar las: haar pa, vir wie sy baie lief is, is besig om te sterf aan Vigs.

Wanneer ’n seun vir haar begin ogies maak, vertel haar ouma vir haar ’n spesiale geheim: Phapo het ’n kosbare, perfekte vrug in haar. Sy alleen kan die vrug oppas of vernietig.

Phapo se Geskenk
• is ’n eg-Suid-Afrikaanse storie
• leer kinders die uitwerking van Vigs en die voordele van weerhouding van seksuele omgang
• het kleurvolle karakters

• het dosyne pragtige illustrasies
• is van baie groot belang vir die tyd waarin ons leef.

Uitgegee deur Knowledge Thirst Media in Afrikaans, Engels en Sotho.

Lees verder...

KROONSTEEN-LEESREEKS

Die Kroonsteen-reeks is ’n gradeerde leesreeks vir die Intermediêre Fase (graad 4-6). Elke boek is gekoppel aan bepaalde leesvaardighede en spesiale aandag is gegee aan woordeskat, sinskonstruksie en konteks. Die boeke sluit ook vrae, prettige aktiwiteite en woordverklarings in.

Die beste Suid-Afrikaanse skrywers se werk word verteenwoordig in die reeks van 30 boeke.

Lees verder...

childlit.org.za

BESTEL BOEKE

AMAZON.COM

* KONTAK MARITA

* KONTAK MARITA